VIDEO/ Berisha: Cerriku në shtetrrethim, mbi 860 policë e gardistë për të ruajtur Ramën
Pas protestës me të cilën demokratët e pritën sot në Elbasan kryeministrin Edi Rama dhe mbrojtjes që i bëri atij Policia, ka reaguar ish-kryeministri Sali Berisha.
Berisha ka zbuluar anën tjetër të turit të Llogaridhënies, përballjen e vështirë të Ramës me qytetarët që nuk punojnë në administratë, sepse takimit në bashkinë e radhës, në Cerrik, i kanë paraprirë 860 policë e gardistë për të penguar një incident të ri.
"Cerriku në shtetrrethim, mbi 860 policë dhe gardistë pushtojnë qytetin për Ramën në takimin e tij me narko rrogtarët e narko administratës dhe puthadorët e tij! Qytetarët e presin me parulla dhe revoltë," shkruan Berisha.