Paloka: Rama është ‘zari’ i Agron Xhafajt
Nënkryetari i PD-së Edi Paloka i përgjigjet Edi Ramës në lidhje me përdorimin e strukturave të policisë për të survejuar kreun e opozitës, Lulzim Basha.
Sipas Palokës, Edi Rama sot ka vërtetuar se është ‘zari’ i Agron Xhafajt.
Reagimi i plotë i Edi Palokës:
Fatkeqësia që i ka rënë këtij vendi me Edvinin është shumë më e madhe nga sa duket.
Për të qenë të sinqertë, krimi është ngatërruar shpesh në këmbët e politikës, nga të gjitha krahët. Por ajo që po ndodh sot është shumë e rëndë dhe e paprecedentë.
Opozita në denoncimet e saj mbi lidhjet e Edvinit me krimin, e ka cilësuar shpesh atë si ‘kapo’ si ‘kreu i kupolës’, si ‘bos i krimit’ etj.
Në fakt realiteti është shumë më i rëndë se kaq...
Edvin Rama nuk është ‘kapoja’, nuk është ai që mban nën urdhëra krimin.
Edvini është ZARI i krimit. Ai është nën urdhëra dhe përdoret nga krimi.
Sot, pas denoncimit që PD bëri lidhur me përdorimin e strukturave të policisë për të survejuar kreun e PD, Edvini nuk beri gjë tjetër përveçse vërtetoi që është dhe zar i Agron Xhafajt...