VIDEO/ Nis epoka e re tek Italia, Mancini debuton me sukses dhe jep shpresë
Italia e mbylli me fitore sfidën e parë miqësore, që nga koha kur Roberto Mancini mori drejtimin e përfaqësueses axurre. Ndaj Arabisë Saudite, italianët fituan me shifrat 2-1.
Balotelli, i rikthyer në kombëtare, ia doli të gjejë menjëherë golin dhe të zhbllokojë sfidën në minutën e 21-të.
Në të 68-tën, ishte Belotti që dyfishoi, ndërsa golin e vetëm për miqtë e shënoi Al Shehri në minutën e 72-të.
Trajneri Roberto Mancini provoi shumë lojtarë në këtë miqësore, ndërsa në ditët në vazhdim do të ketë ndeshje të tjera për të zhvilluar.
Gjithsesi, e rëndësishme për “axurrët” është që tekniku i ri e nis me sukses, duke rikthyer shpresën për ringritjen e Italisë.
Kujtojmë që Italia nuk është pjesëmarrëse në Botërorin “Rusi 2018”.