Pas audio-përgjimit fshihet Tahiri? Flet gazetari Olldashi: Ja e vërteta...

Gazetari Jetmir Olldashi, i cili intervistoi dëshmitarin X, Albert Veliu, të audiopërgjimit të publikuar nga Partia Demokratike, në “Të Paekspozuarit” i dha përgjigje pyetjeve, pse u ndodh në Vlorë? Pse e dorëzoi përgjimin te Partia Demokratike? Por jo vetëm…

Pse u ndodhët në Vlorë?

Jetmir Olldashi: Kam udhëtuar drejt Vlorës pas një sinjalizimi që kisha për trafik kanabisi. Sipas burimeve të mia në këtë trafik ishin përfshirë shumë personazhe publik dhe të afërm të tyre. Shkova në lokalin e Agron Xhafajt, por ai nuk ishte në lokal. Edhe trafikantët që ne takuam, kishin përshtypjen që burimi kishte njohje me ta. Më pas ishte një tentativë për të zbuluar burimin e kanabisit.

Kush e ka bërë regjistrimin?

Jetmir Olldashi: Unë e kam bërë publike. I kam dhënë mjetin përgjues Albert Veliut. Ai është ngjitur në lokal dhe ka biseduar. Unë nuk u ngjita sërish sepse mendoja se isha i rrezikuar.

Pse ka lindur një kontradita mes deklaratës suaj dhe dëshmitarit X?

Jetmir Olldashi: Unë e kam pyetur atë se kush e ka bërë përgjimin. E bëra këtë që ta pranonte. Nëse ndjek intervistën, e kupton që ai kishte bërë një motiv të tillë. Nuk kishte arsye pse ta mohonte atë që kishte bërë.

Pse e dorëzove në PD?

Jetmir Olldashi: Ishte një material, të cilin e mbajta disa muaj. Në momentin që isha pa punë, nuk kisha mundësi ta transmetoja dhe burimi u zhduk fare nga qarkullimi.

Nëse kjo del e pavërtetë?

Jetmir Olldashi: Nuk ka si të dalë e pavërtetë. Mua më kanë thënë që e ka bërë Saimir Tahiri, Ambasada Amerikane e të tjera. Por si mund të bënte një shërbim i huaj një punë me cilësi kaq të dobët.

Pse e dorëzove në një parti politike?

Jetmir Olldashi: E dorëzova dhe nuk doja të kisha më punë me këtë material.

Më tej, ai tregon se donte të shkonte sërish në Vlorë,por ndjehej i kërcënuar. “Doja të shkoja sërish në Vlorë për ta mbyllur këtë investigim, por edhe miqtë më kanë këshilluar të mos shkoja pasi më rrezikohej koka”.

Takimi Veliu-Agron Xhafajn/ Olldashi: Burimi im familjar me stafin e lokalit të Agron Xhafajt…

Teka debati në emision u ndal të audio-përgjimi i transmetuar më herët në media i Albert Veliut me Agron Xhafajn, drejtuesi i emisionit Ylli Rakipi pyeti gazetarin Olldashi rreth vërtetësisë së audio-përgjimit Veliu- Xhafaj.

“Ju thoni nëse kam bindje apo jo. Nëse do e kisha parë do thosha e pashë. Unë e besoj 100 për qind (Albert Veliun). Siç e kam deklaruar burimi im kishte familjaritet me stafin e lokalit të zotërisë. S’mund të vërtetoj një gjë që s’kam qenë”, u përgjigj Olldashi.

Deklaratat e Ramës/ Gazetari Olldashi: Ndihem i kërcënuar

Gazetari Olldashi u shpreh se ndihet i kërcënuar pas deklaratave të Kryeministrit Edi Rama.

“Ndihem i kërcënuar kur del Kryeministri dhe lëshohet gjithë lukunia e njerëzve që ka nga pas e bëjnë biografinë dhe e botojnë në media e qeverisë që e mbajnë veten për profesionale. Ndihem i kërcënuar në momentin që Kryeministri del dhe më përmend emrin”.

Audio-përgjimi Veliu-Xhafaj/ Gazetari Olldashi: Regjistrimin e mora menjëherë pas takimit

Gazetari Olldashi tha se regjistrimin e takimit të Albert Velit me Agron Xhafajn e mori menjëherë pasi Veliu doli nga lokali: vendi i takimit.  

“Momenti kur dëshmitari X futet te lokali dhe pretendon se ka regjistruar Agron Xhafajn, ju ia keni marrë direkt regjistruesin”, u pyet gazetari Olldashi.

Në përgjigjen e tij, Jetmir Olldashi tha: “Ja kam marrë pasi (Albert Veliu) ka dalë nga lokali, 5 minuta ka zgjatur (takimi)”.

I pyetur lidhur me origjinalitetin e materialeve që ka dorëzaur në Prokurori, Jetmrir Olldashi tha: “Çfarë materiale kam pasur ja kam paraqitur të gjitha prokurorisë”.