VIDEO/ I riu u zhduk në lumin Erzen, policia jep detaje të reja

Jane duke vazhduar kerkimet ne lumin Erzen per te riun, Xhorxho Seferi qe ra dje ne kanion dhe ende nuk eshte gjetur.

Policia e Shtetit ben te ditur se qe nga mengjesi e deri ne oret e pasdites kane vazhduar kerkimet, por ende pa rezultate.

Kjo per shkak se rrjedha e lumit eshte e forte dhe terreni eshte i veshtire, me shpate te thepisura.

Njoftimi i Policise per kerkimet:

Pëllumbas - Tiranë / Polombarët e RENEA-s vijojnë kërkimet në grykën e Skuranës në lumin Erzen, për gjetjen e trupit të 20 – vjeçarit Xh.S.

Prej orës 08.00 të ditës së sotme, polumbarët e Renea-s kanë rinisur kërkimet për gjetjen e trupit të 20 - vjeçarit, i cili dyshohet se është mbytur ditën e djeshme në lumin Erzen, në vendin e quajtur Shpella e Pëllumbasit.

Kërkimet nga polumbarët kanë vijuar në gjatësinë e lumit, deri në në grykën e Skuranës, në një terren shumë të vështirë.

Është devijuar një pjesë e lumit me qëllim uljen e nivelit, pasi rrjedha është shumë e fuqishme dhe terreni është shumë shkëmbor dhe shumë i thepisur.

Krahas kërkimeve nga polumbarët e Reneas, një grup punonjësish police të Stacionit të Policisë Farkë, kanë vijuar krehjen e shtratit të lumit nga të dyja anët.

Gajtë kërkimeve nga Polumbarët e Renea-s, ka qenë i pranishëm edhe vëllai i shtetasit që dyshohet i mbytur.