VIDEO/ Rrahje mes deputetëve, Haliti sulmon fizikisht Gashin
Deputetët e Kuvendit të Kosovës sot i dhanë mandatin 9 vjeçar si anëtarë të Gjykatës Kushtetuese dy kandidatëve nga komunitetet. Radomir Llaban dhe Bajram Ljatifi kanë fituar nga 71 përkatësisht 58 vota për t’u zgjedhur anëtarë.
Ndërsa votimi për tre anëtarë shqiptarë të Gjykatës Kushtetuese në raundin e parë nuk nxori asnjë fitues.
Nga 115 deputetë sa kishin votuar, 2 fletëvotime janë shpallur të pavlefshme.
Në këtë raund të votimit, më e votuara ka dalë Remzije Istrefi- Peci me 75 vota. Pas saj u radhitën Nexhmi Rexhepi me 60 vota, Safet Hoxha me 51, Shkëmb Manaj me 48, Hajzer Salihu me 40, Vigan Qorrolli me 37, Shqipe Ibraj- malaj me 11 dhe Nebojsha 0.
Në raundin e dytë do të dalin: Remzije Istrefi- Peci, Nexhmi Rexhepi, Safet Hoxha, Shkëmb manaj, Hajzer Salihu dhe Vigan Qorrolli.
Rrahje mes Halitit dhe Gashit në Kuvend
Xhavit Haliti dhe Arben Gashi dje janë sharë ndërmjet tyre edhe me fjalë banale, ndërsa sot janë përleshur edhe fizikisht.
Ishte nënkryetari Xhavit Haliti i cili pasi mbushi fletën e votimit për anëtarë të Gjykatës Kushtetuese sulmon fizikisht deputetin Gashi.
Veprimi i Halitit ishte i qëllimshëm ndërsa ishin deputetët ata që nuk lejuan që situata të precipitojë edhe më tej.
Në konflikt është përfshirë edhe deputeti i AAK-së Gani Dreshaj, por është ndaluar nga deputetët tjerë.
Pas kësaj kryetari i Kuvendit Kadri Veseli i ka lutur të gjithë deputetët që të koncentohen në proes të votimit.