Klubi i madh i Serie A rrezikon të gjobitet nga UEFA me 20 milion euro

Në pritje të ndeshjes së fundit të kampionatit, që mund t’i garantojë klubit të Milanit vendin e gjashtë në Serie A dhe si rrjedhojë pjesëmarrjen në fazën e grupeve të Europa League, drejtuesit kuqezi i kanë sytë nga Nioni.

Javën e ardhshme pritet përgjigja e UEFA-s në lidhje me “fair play” financiar.

Kuqezinjtë presin një dënim dhe sipas “Gazetta dello Sport” gjithçka do të zgjidhet me një gjobë prej 15 deri në 20 milionë euro.

Pronari i klubit Yonghong Li do t’i kërkojë “Fininvest”, ish-pronarëve të klubit, një pjesë të këtyre parave në bazë të marrëveshjes së bërë në ditën që u zyrtarizua shitja e AC Milan për rreth 700 milionë euro.