VIDEO/ Dha penallti skandaloze, arrestohet arbitri serb

Një arbitër futbolli rrezikon burgun në Serbi, pas ndeshjeve të fundit të Superligës. Organet kompetente u vunë në lëvizje pas një vendimi skandaloz të gjyqtarit Obradoviç.

Mjaftoi një penallti për t’i vënë prangat.

Ishte vërtet skandaloze ajo që u dha nga arbitri Srgjan Obradoviç në një nga ndeshjet e fundit të Superligës së Serbisë, diçka që vuri në lëvizje organet kompetente.

Gjyqtari u ndalua nga policia, ndërsa përcaktoi në mënyrë vërtet qesharake që Spartaku i Suboticës të kualifikohej për në Ligën e Europës me fitoren 2-0 ndaj rivalit direkt, Radniçkit të Nishit.

Ministria e Punëve të Brendshme të Serbisë deklaroi se ndaj arbitrit Obradoviç është ngritur një akuzë kriminale, dhe se arrestimi i tij u bë pas kërkesës së Prokurorisë në Novi Sad.

Mediat në Serbi japin informacione të tjera.

Gazeta “Kurir” shkruan: “Obradoviç foli në polici dhe skandali është në prag. Gjyqtari kontrovers që krijoi kaos në Suboticë, i lidhur me kompanitë e basteve”.

Obradoviç njihet si gjyqtar që ka bërë shumë gabime në të kaluarën, në të gjitha nivelet e futbollit serb ku ka drejtuar.

Kështu, në takimin Napredak-Slloboda, ku ai dha penallti për ndërhyrje të dukshme jashtë zone.

Kulmi ishte në derbin mes Crvena Zvezdës dhe Partizanit një vit më parë, kur akordoi gol për vendasit, ndonëse gjatë aksionit topi kishte dalë mjaft përtej vijës fundore.

Gjithsesi, në Serbi, prokuroria dhe policia veprojnë në futboll, ndërsa në Shqipëri kjo nuk ndodh, pavarësisht se penallti skandaloze ka pasur plot./ abcnews