VIDEO/ Bleona, 11-vjeçarja që synon tregun botëror

Është vetëm 11 vjeçe, por që tani e ka të qartë që muzika është ëndrra e saj jetësore, dhe profesioni me të cilin dëshiron të merret.

Është kjo, Bleona Hasani, e lindur dhe e rritur në Suedi. Talentin e saj fillimisht e kishin vërejtur babai dhe xhaxhai i saj të cilët merren po ashtu me muzikë, për ta shtyrë më pas e për ta përkrahur maksimalisht drejt ëndrrës së saj.

Falë talentit të saj, Bleona tashmë ka kontratë me producent amerikan me të cilin çdo javë bën prova muzikore. Për më tepër, me vajzën e tij Olivian, kanë realizuar coverin e këngës së njohur "You and I".

Arsyeja e ardhjes së saj në Kosovë nuk është një vizitë e thjeshtë. Bleona është duke punuar rreth realizimit të këngës së saj të parë.

Tekstin e këngës e cila do të vijë edhe me videoklip e ka shkruar Besim Bunjaku, muzikën e ka punuar "Vox on recording studio" derisa videoklipi do të xhirohet nga produksioni EMF Creative.

Pa harruar asnjëherë vendlindjen, ëndrra e Bleonës është që të bëhet këngëtare me përmasa botërore.

Talent shout muzikorë shihen mundësia më e mirë për këngëtaren simpatike, por mosha që ajo ka nuk ia lejon që të jetë pjesëmarrëse. Thotë se do të punojë me përkushtim maksimal deri të vijë koha e përshtatshme.

Mbetet të shihet se si do të jetë e ardhmja e Bleonës në industrinë e muzikës në botë, por një gjë tashmë dihet, zëri i saj është shumë premtues.