‘Bild’ e zbulon emrin: Ky do jetë trajneri i ri i Bajernit

Niko Kovac, aktualisht në krye të Eintrachtit të Frankfurtit, do të drejtojë Bayernin e Mynihut sezonin e ardhshëm.

Ish-mesfushori kroat, që ka luajtur për bavarezët në sezonet 2001-2003, do të pasojë veteranin Jupp Heynckes, i cili e ka bërë të qartë se do të largohet në fund të sezonit, edhe pse mund të përsëritë suksesin e disa viteve më parë duke fituar Bundesligën, Kupën e Gjermanisë dhe Championsin.

Sipas prestigjiozes gjermane Bild, drejtuesit e kampionëve të saposhpallur të Gjermanisë kanë vendosur t’ia besojnë skuadrën 46-vjeçarit, që e njeh shumë mirë Bundesligën.

Më parë ishte përfolur edhe emri i Tuchel, por ish-trajneri i Dortmundit mësohet se do të marrë drejtimin e PSG-së.