Berat, rruga e amortizuar, banorët: Po shkatërrojmë automjetet, të ndërhyhet

Një nga akset më të rëndësishme rrugore që lidh qarqet Berat-Fier është në gjendje tejet të amortizuar, duke krijuar mjaft peripeci për drejtuesit e automjeteve. Banorët bëjnë thirrje të ndërhyhet, pasi nuk është që rrugë që do shumë investim, duke qenë e gjatë vetëm 10 km.

Ndërkohë që në parlament diskutohet për miliona, tendera e koncensione banorët në shumë zona në Shqipëri vijojnë të quajnë luks energjinë elektrike, ujin e pijshëm dhe rrugët e asfaltuara. Një nga akset me të rëndësishme që lidh qarqet Berat dhe Fier, është në gjendje të amortizuar, duke e bërë një sfidë më vete kalimin nëpër të.

"Nuk janë më shumë se 10 kilometër, që mbajnë peng qarkullimin, ndërsa institucionet vijojnë të  t’ia hedhin topin e përgjegjësisë njëra-tjetrës", thonë banorë.

Rruga nga fshati Kutalli, pjesë e njësisë administrative Ura-Vajgurore deri në afërsi të fshatit Velmisht të bashkisë Fier, është bërë krejtësisht e pakalueshme si pasojë e gropave të mëdha.

/Report Tv/