Bardheblutë fitojnë derbin e kryeqytetit
Prishtina e trajnerit Mirel Josa ka arritur të fitojë derbin lokal përballë Flamurtarit në një ndeshje që e kontrolloi pothuajse totalisht.
Pas vetëm 13 minutash lojë do të ishte mbrojtësi ganez Jamal ai që do të shënonte për Prishtinën.
Flamurtari në pjesën e parë pati vetëm një rast me Shillovën që nuk arriti të godiste saktë.
Pjesa e dytë nisi më mirë përsëri për bardheblutë e Prishtinës, që patën raste të mira, por nuk konkretizuan.
Duhej të vinte minuta e 87-të që Basit Khalid të dyfishonte me një goditje të fuqishme dhe të hipotekonte fitoren.
Prishtina pas kësaj fitoreje mbetet në vendin e dytë me minus 3 pikë nga Drita kryesuese.