Zidane shpjegon zëvendësimin e Ronaldos në derbin me Atletikon

Pas derbit të Madridit mes Realit dhe Atletikos, që u mbyll në barazim 1-1, ka folur trajneri Zinedinë Zidane, të cilit duket se nuk i ka pëlqyer ky rezultat.

“Sot kemi pasur shumë raste për të shënuar, por nuk i shfrytëzuam. Patëm raste dhe në 15 minutat e pjesës së parë kur nuk luajtëm shumë mirë dhe pikërisht atëherë e gjetëm golin. Ky është futbolli, më vjen keq që futbollistët e mi nuk fituan sepse dhanë gjithçka në fushën e lojës”, thotë francezi.

Në lidhje me kritikat që vërshuan ndaj tij, pak kohë më parë, Zidane tha: “Gjithmonë kështu ndodh. Tani që jemi më mirë askush nuk na kritikon, por nëse do të bëjmë një apo dy ndeshje të dobëta, menjëherë do të merren me ne. Nuk duhet të merremi me këto gjëra. Vështirësitë që kaluan na shërbejnë sepse nuk duhet të kthehemi si dy apo tre muaj më parë”.

Në fund, “Zizu” shpjegoi zëvendësimin e Cristiano Ronaldo në minutën e 63-të, pasi kishte shënuar golin e vetëm për Real Madridin: “E kishim llogaritur që do të luante vetëm 20 minuta në pjesën e dytë. Ronaldo është shumë mirë fizikisht dhe është në formë, ky ishte një zëvendësim i programua më parë dhe futbollisti e dinte.”