FOTO/ Tifozët e PAOK i thyejnë dhëmbët trajnerit të Olympiakosit... Mund të kishte qenë Besnik Hasi

Momentet e tensioneve dhe sherreve janë shpesh të pranishme në futbollin grek. Kësaj radhe, një episod i shëmtuar ka ndodhur në ndeshjen PAOK-Olympiakos.

Ultrasit e PAOK-t kanë hedhur sende nga lart dhe njëra prej tyre ka prekur në nofull trajnerin e miqve të Olympiakos, Oskar Garsia, duke e dëmtuar keq.

Në këto kushte, është vendosur që ndeshja të shtyhej, pasi situata në stadium ishte shumë e tensionuar.

Trajneri Garcia është detyruar të shkojë drejt spitalit, pasi dyshohet se mund t’i jenë thyer dhëmbët.

Kujtojmë që në fillim të sezonit trajneri i Olympiakosit ishte Besnik Hasi, i cili më pas u shkarkua nga detyra.

Ultrasit e PAOK-ut ishin protagonistë edhe në episode të tjera përgjatë ndeshjes. Në njërën prej tyre ata hyrën në fushë me një flamur bullgar dhe fytyra të mbuluara, ndërsa në flamur shkruhej “Gate 4” (emri i një prej grupimeve më famëkeqe të ultrasve të PAOK-ut).