FOTO/ Rama kërkoi president të përbashkët, Princ Leka jep zgjidhjen e re
Deklarata e djeshme e Edi Ramës për një president të përbashkët, Shqipëri-Kosovë, ka sjellë reagime të shumta. Shumica e tyre kanë ardhur nga Kosova dhe kanë qenë kundër Ramës, duke e cilësuar edhe si matrapaz dhe të pabesë.
Por një zgjidhje tjetër ka dhënë Princ Leka, trashëgimtari i Familjes Mbretërore të Shqipërisë.
Princi Leka me anë të një shkrimi në Facebook, thotë se nëse kjo gjë realizohet, gjithmonë duhet realizuar me “bekimin” e familjes mbretërore.
Ja çfarë shkruan Princ Leka në Facebook:
Bashkimi Kombëtar ka qenë, është dhe do të jetë ëndrra dhe përpjekja e Familjes Mbretërore brez pas brezi, madje edhe kur nuk guxonte askush tjetër ta artikulonte!
Realizimi arrihet me Kurorën Mbretërore në dy shtete si simbol i këtij uniteti.
Kjo do të ishte logjika e stabilitetit real, traditës dhe prosperitetit të vërtetë, siç e sugjerojnë shembujt e padiskutueshëm të suksesit në vendet më të zhvilluara perëndimore.