Mirela Kumbaro, kjo ministre e çoroditur…

Kumbaro është anëtare e kabinetit vetëm për shkak të lidhjeve miqësore me Ramën. Vetëm për shkak të lidhjeve klienteliste me Ramën. Vetëm për shkak të lidhjeve familjare me Ramën. Nuk ka asnjë meritë të veçantë, madje po tregon paaftësi për tu orientuar siç duhet, për të qenë ministre. Madje për shkak të mungesës së ekuilibrit në detyrë po rezulton një ministre e çoroditur. Një ministre e çoroditur sepse fijet e saj i lëviz një kryeministër i çoroditur.

Një ministre e kulturës që sillet keq me njerëzit e kulturës mund të cilësohet pa hezitim e çoroditur.

Një ministre e kulturës që akuzon se e ka kthyer tetarin në sallë lojërash të fatit kur këtë e ka bërë kryeministri i saj, edhe minimalisht e çoroditur….

Një ministre e kulturës të cilës i del kundër edhe një ish-deputete e PS dhe mikeshë e Ramës, nuk mund të mosjetë e çoroditur….

Një ministre e kulturës që shkëmben letra publike, me një fjalor të padenjë, me një artist të popullit është thjesht një ministre e çoroditur…

Në ministre e kulturës që nuk është në gjendje të konsultohet e të bisedojë me artistët por i shtyn ata në protestë është ministre e çoroditur…

Në ministre që dëgjon dhe imiton vetëm kryeministrin e çoroditur thjesht për të mbajtur postin është një ministre super e çoroditur…

Një arsye përse një ministre është e çoroditur mund të jenë disa:

• S’ka kapacitetin për të kryer detyrën e ministres.
• S’ka kapacitetin për të biseduar me artistët.
• S’ka kapacitetin për të të kuptuar se po kryen diçka të gabuar duke u vendosur kundër të gjithë artistëve.
• S’ka kapacitetin për të kuptuar se kryeministri e ka futur në qorrsokak.
• S’ka kapacitetin për të të kuptuar se i ka kundër të gjithë qytetarët.
• S’ka kapacitetin për të kuptuar se kolegët e mbështesin për ta kthyer në shënjestër që të shpëtojnë vetë.
• S’ka kapacitetin për të kuptuar se po zhytet çdo ditë e më shumë në gjolin e interesave te saj të ndotura.
• S’ka kapacitetin për të kuptuar se do të mbahet mënd si një ministre e çoroditur.
• S’ka kapacitetin për të kuptuar se do ta largojnë si një ministre të çoroditur.

Të gjithë artistët, arsimtarët, profesorët, mjekët, naftëtarët, minatorët, fermerët, tregtarët, ushtarakët, qytetarët, pra të gjithë shqiptarët duhen të zgjohen e të kuptojnë se Kulturën e drejton një Ministre e Coroditur. Prandaj duhen të bashkohen për të larguar Ministren e Çoroditur.

Syri.net

12 shkurt 2018