Vllahutin përsëri hesht dhe s’thotë asnjë fjalë për kanabisin

Pasi ka heshtur dhe ka keqinformuar Brukselin për kultivimin e kanabisit nga policia shqiptare ne periudhën 2015-2016 që drejtohej nga Saimir Tahiri, Romana Vllahutin, në mënyrë të turpshme, duke u bërë palë me Ramën, fsheh përsëri të vërtetën duke mashtruar publikun shqiptar dhe eurodeputetët.

Ja çfarë thotë Vllahutin për kultivimin e kanabisit…Pasi ka heshtur në Tiranë gjatë viteve 2015 dhe 2016 për kultivimin e kanabisit dhe pasi nuk ka raportuar apo keqraportuar Brukselin për “kultivimin e kanabisit”, sot, në takimin e takimin e 12 të Komitetit të Stabilizim Asocimit me BE, ka thënë:

“Presim që prokuroria të përfundojë hetimet dhe rezultatet të bëhen publike sa më shpejt. Heqja e mandatit të tij është përgjegjësi e Parlamentit. Kultivimi i kanabisit problem i hershëm, por ne i kemi kërkuar qeverisë që të luftojë drogën. Në 2017 pati ulje drastike të kultivimit të kanabisit ”. 

E gjithë kjo është një deklaratë djallëzisht e gënjeshtërt. Çfarë del nga kjo deklaratë e Romana Vllahutin:

• Ajo hesht përsëri dhe nuk thotë asnjë fjalë për kultivimin masiv të kanabisit gjatë periudhës 2015-2016 kur ministrinë e brendshme e drejtonte Saimir Tahiri;
• Ajo hesht përsëri dhe nuk thotë asnjë fjalë për implikimin e rrjetit të policisë në kultivimin dhe trafikimin e kanabisit; gjë që çoi në akuzimin e Saimir Tahirit dhe shkarkimin e Haki Cakos;
• Ajo hesht përsëri dhe nuk thotë asnjë fjalë përse nuk ka heshtur gjatë viteve 2015 dhe 2016 dhe çfarë raportesh ka dërguar në Bruksel për kultivimin masiv të kanabisit gjatë kësaj periudhe;
• Ajo hesht përsëri dhe nuk thotë asnjë fjalë për përgjegjsinë e Saimir Tahirit ndërkohë që ka shkuar në zyrën e ish Prokurorit të Përgjithshëm për të këkruar arrestimin e ish drejtuesve të lartë;
• Ajo hesht përsëri dhe nuk thotë asnjë fjalë për mbrojtjen që Rama dhe maxhoranca e kontrolluar prej tij i bëri Tahirit duke mos i hequr imunitetin dhe hapur rrugë drejtësisë për të hetuar atë;
• Ajo përsëri nuk thotë të vërtetën përsë në 2017 ka pasur ulje të kultivimit të kanabisit, duke treguar kjo ka ndodhur për shkak se sasi masive kanabisi mbetën në Shqipëri se nuk mund të shiteshin meqënëse Italia e Greqia u angazhuan për kapjen e sasive të mëdha të kanabisit në kufijtë e tyre.

Dhe gjithçka thotë Romanan Vlahutin natyrisht e dëgjon dhe miraton drejtuesja e këtij takimi, Monica Macovei, një nga “fantazmat rumune të Sorosit” e cila është në Shqipëri për ti treguar Ramës sesi ““klasa e re e prokurorëve, të përzgjedhur dhe të financuar nga Soros, duhet të cojnë direkt në burg cilindo përfaqësues të popullit, (deputet) apo ministër që është kundër tij”.

Syri.net/ 12 shkurt 2018