Konti i Monte Kristos përgatit hakmarrjen...
1815. Luigji XVIII ka hipur përsëri në fron, por përplaset me opozitën, gjë që perandori Napoleon, i internuar në ishullin e Elbes, mendon ta shfrytëzojë. Në Marseje, ku mbretëron përçarja civile është çasti me i volitshëm për larje llogarish politike...
Autori Dumas na rrëmben, pa na lënë të mbushemi me frymë: nga kabineti i Luigjit XVIII në Mesdheun e kontrabandisteve, nga ishujt e Toskanës në katakombet e Romës, pastaj në sallonet parisiene ku konti i Montekristos përgatit hakmarrjen e tij.
200 vjet me pas...në një cep te Mesdheut.
2017. Kryeministri Rama ka hipur sërisht në fron pas zgjedhjeve të kontestuara të opozitës. Ish-numri 2 i tij, Ben Blushi, që e promovoi fuqishëm për ardhjen në pushtet, tashmë i përjashtuar nga rradhët e Rilindjes, mbeti vetëm, pas humbjes së partisë që e themeloj-Libras. Por...Libra ra.
Dje Ben Blushi emërohet sërisht në krye të një media prestigjioze. Top Channel.
Do e shfryrezojë këtë post Blushi për hakmarrje politike?
Fëminia dhe Rinia e Tij na thotë: Po.
Ambicia e Tij politike na thotë: Po.
Vepra e Tij letrare na thotë: Po.
Retorika e derisotme e Tij në Kuvend e Shqipërisë na thotë sërish: Po!
Kriza e Topit ku Ai sot po drejton na thotë: Po.
Klima politike në vend na thotë përsëri: Po.
Atëherë kush e ka radhën?
On Air. Dritat u ndezën.