Mashtrimi 9 milionë dollarë/ 6 të arrestuar, 5 në kërkim
Gjykata e Tiranës, me kërkesë të prokurorit Ndini Tavani ka vendosur 11 masa arresti në mungesë, 6 prej të cilave janë ekzekutuar nga policia e Tiranës, kurse 5 janë ende në kërkim.
Personat për të cilët është dhënë masa e arrestit dyshohen se përmes një skeme mashtruese me TVSH i kanë shkaktuar shtetit një dëm prej 9 milionë dollarë.
Personat e arrestuar
Dhimitraq Çelo;
Bujar Murataj;
Shkëlqim Hasani;
Ruzhdi Murataj;
Nevruz Lami;
Indrit Sulaj.
Në kërkim
B.Gj
M.M
A.B
S.K
E. Sh
Gjatë muajve Tetor–Dhjetor 2017, prokuroritë e Rretheve Gjyqësore në bashkëpunim me Drejtorinë e Hetimit Tatimor, në Drejtorinë e Përgjithshme të Tatimeve, zhvilluan një hetim me qëllim goditjen e veprave penale në fushën e tatim-taksave. Tatimet njoftuan disa ditë më parë se në prokurori janë referuar dosje për 54 subjekte tregtare, me 72 autorë.
Në lidhje me këto dosje priten të tjera arrestime.