United nuk beson se Ronaldo dëshiron të rikthehet në Old Trafford

Manchester United nuk është i bindur se Cristiano Ronaldo dëshiron vërtet të rikthehet në “Old Trafford”, raporton ESPN.

Dje, e përditshmja spanjolle “AS” raportoi se Ronaldo është i gatshëm ta braktisë Real Madridin në verë për shkak të premtimeve të thyera për kontratën e re dhe se portugezi dëshiron të rikthehet në United.

Megjithatë, United dyshon se 32-vjeçari është duke kërkuar seriozisht largimin nga Madridi.

Madje, “Djajtë e kuq” besojnë se ky spekulim është pjesë e planit të sulmuesit për ta siguruar një kontratë të re në “Santiago Bernabeu”.