Humb jetën tragjikisht i riu shqiptar

Një i riu shqiptar ka humbur jetën në Greqi, pasi dyshohet se ra nga një lartësi.

Ngjarja ka ndodhur në qytetin Gargalianoi në Greqi, ku i riu u gjet i shtrirë në trotuar të premten e kaluar. Sipas mediave greke, 19-vjeçari kishte pësuar dëmtime të rënda në kokë. Ai u dërgua në një spital në Athinë.

Prej disa ditësh shqiptari ka qenë në gjendje kritike, ndërsa mbrëmjen e djeshme shfaqi komplikacione, e për fat të keq nuk mundi të mbijetonte.

Identiteti i tij nuk është bërë me dije, por sikurse raportojnë mediat greke, besohet se ai ishte rrëzuar nga lartësia dhe kishte rënë në trotuar. Kjo pistë dyshohet për shkak të plagëve në kokë, duke përjashtuar mundësinë e dhunimit nga persona të tjerë.