Parajsa Arabe, drejt fundit, shumë shtete vendosin TVSH prej 5 për qind

Tatimi mbi vlerën e shtuar u prezantua për herë të parë në Arabinë Saudite dhe Emiratet e Bashkuara Arabe (EBA).

Një taksë prej pesë për qind do të zbatohet për shumicën e mallrave dhe shërbimeve në ato vende.

Këto vende të Gjirit kanë tërhequr shumë punëtorë të huaj me premtime për "jetë pa taksa", por qeveritë atje dëshironin të rrisin të ardhurat në kohën e uljes së çmimeve të naftës. 

TVSH-ja në këto dy vende u prezantua nga 1 janari 2018, dhe Bahrejni, Kuvajti, Omani dhe Katari do ta bëjnë këtë deri në vitin 2019. Emiratet e Bashkuara Arabe vlerësojnë se gjatë vitit të parë, të ardhurat nga TVSH do të jenë rreth 12 miliardë dirheme ose 3.3 miliardë dollarë. 

Taksat do të tarifohen për benzinë, naftën, veshmbathjen, shërbimet dhe dhomat e hoteleve, ndërsa taksat do të përjashtohen nga shërbimet mjekësore dhe financiare dhe transporti publik. 

Në Arabinë Saudite, më shumë se 90 për qind e të ardhurave buxhetore vijnë nga industria e naftës, ndërsa Emiratet e Bashkuara Arabe kanë rreth 80 për qind. 

Për shkak të krizës financiare dhe zvogëlimit të çmimit të naftës, shtetet arabe shpresojnë se duke futur TVSH-në, do të ndihmojnë ekonomitë e tyre, por edhe qytetarët që të jenë më pak të varur nga nafta dhe gazi.