Mbappe bën planet për të ardhmen, PSG në ankth për 180 milionëshin

Sulmuesi francez, Kylian Mbappe, gjatë kësaj vere nga Monaco u transferua në PSG për 180 milionë euro, me të cilën nënshkroi kontratë 5-vjeçare.

Por, ai gjatë një interviste për “France Football” ka thënë se nuk e di ku do të jetë pas dy viteve.

“Kam disa plane për të ardhmen. Për momentin jam duke bërë më mirë se sa e kisha imagjinuar disa muaj më parë. Është një projekt i vështirë”, tha fillimisht Mbappe.

“Ku do të jem pas dy viteve? Sinqerisht, unë nuk e di”, tha ai në fund.

Mbappe vazhdon të jetë objektiv i disa skuadrave të mëdha europiane, ndër to Real Madrid dhe Manchester United.