Nesër, shira në të gjithë vendin
Sot pasdite, e martë, datë.12 dhjetor, priten reshje të dobëta në qarkun e Shkodrës, Kukësit, Dibrës dhe Lezhës, njofton Instituti i Gjeoshkencave.
Nesër, e mërkurë, datë 13 dhjetor, në pjesën e dytë të ditës ato priten të përfshijnë gjithë vendin duke u bërë mesatare deri lokalisht intensive në qarkun e Shkodrës dhe Kukësit. Reshjet do të jenë në formë dëbore në zonat e larta malore.
Nesër, e mërkurë, datë 13, temperaturat minimale dhe maksimale të ajrit pritet të arrijnë:
në bregdet: 10 °C / 18 °C
në vendet e ulëta: 8 °C / 16 °C
në vendet malore: 5 °C / 13 °C.
Sot pasdite dhe nesër era do të fryjë e lehtë, por në bregdet deri mesatare.