FOTO/ Meta përqafon idenë e Romano Prodit për një simbol të turizmit shqiptar
Presidenti Ilir Meta është takuar sot me ish-Kryeministrin e Italisë, Romano Prodi, i cili ndodhet në Tiranë për një konferencë kushtuar integrimit të vendit.
Teksa ka publikuar një foto, Meta shkruan në Fb lidhur me takimin se e ka vlerësuar idenë e paraqitur prej tij për zhvillimin e turizmit në Shqipëri:
"Një mëngjes pune me mikun e shqiptarëve, profesor Romano Prodin, me të cilin diskutuam për marrëdhëniet e shkëlqyera mes dy vendeve tona e të ardhmen europiane të Shqipërisë. I drejtë propozimi i mikut tonë për të ndërtuar një simbol të turizmit shqiptar, që do promovonte edhe më fuqishëm rritjen cilësore të turizmit e përfitimeve."