VIDEO/ Pas tragjedisë ajrore, Chapecoense bën këtë mrekulli. Festa e çmendur
Chapecoense ia doli mbanë të sigurojë mbijetesën në kampionatin brazilian të futbollit, “Brasilerao”.
Klubi, i cili thuajse u shua nga tragjedia ajrore e 28 nëntorit të një viti më parë, gjatë të cilit humbën jetën 19 futbollistë, mposhti 2-1 Vitorian një natë më parë, duke siguruar matematikisht mbijetesën kur kanë mbetur edhe 3 javë për t’u luajtur.
Skuadra bardhjeshile, me një ekip të rindërtuar tërësisht, ngjitet aktualisht në kuotën e 47 pikëve dhe mban vendin e 10 në klasifikim.
Mbijetesën, Chapecoense arriti ta siguronte në fushën e lojës, edhe pse Federata Braziliane kishte arritur një akord me skuadrat e tjera për t’i garantuar mbijetesën në kampionatin elitar për të paktën 3 vite pas tragjedisë, në mënyrë që t’i lejonin asaj rindërtimin e grupit.
Por Chapecoense duket se ka refuzuar këtë “privilegj” dhe arriti të merrte 3 pikët e radhës pas një 90-minutëshi të vuajtur që pa të përmbyste avantazhin e Vitorias.
Në dhomat e zhveshjes nisi menjëherë festa, që ishte edhe më e madhe nga sa pritej për shkak të lajmit se portieri i mbijetuar nga tragjedia ajrore, Jackson Follmann, i është rikthyer fushave të blerta, duke u stërvitur pavarësisht një këmbe të prerë.
E A COMEMORAÇÃO NÃO PODIA SER DIFERENTE!! ?????????
— Chapecoense (@ChapecoenseReal) November 17, 2017
Chapecoense garantida no Brasileirão Série A 2018!!
VAAAAAMOS, VAMOS CHAPEEEE!! #VamosChape #Brasileirao2017 pic.twitter.com/zVvFUnrThk