Ylli Manjani: Respekt për gazetaren Zyko, na dha mundësinë të kuptojmë interesin e Mogherinit për drogën

Në konferencën për shtyp të zhvilluar paraditen e sotme në Bruksel përkrah ministrit të Jashtëm Ditmir Bushati shefja e politikës së jashtme të Bashkimit Europian, Mogherini, ju shmang pyetjeve më thelbësore për të cilat shqiptarët presin përgjigje nga miqtë ndërkombëtarë; kanabizimi i vendit nën qeverinë Rama dhe skandali Tahiri.

Një nga zërat që ka reaguar menjëherë pas këtyre prononcimeve “as mish e as peshk” ka është edhe ish-ministri i Drejtësisë, Ylli Manjani. Me sarkazmën që e karakterizon ai shkruan në llogarinë e tij në Twitter, që mos prisni që zonja Mogherini të reagojë për Tahirin, kur nuk ka reaguar ende për skandalin e vilës së vartëses së saj në Tiranë, Vlahutin.

Ja si e komenton Manjani, konferencën për media të Mogerinit:

Mogherini ska reaguar ende për vilën që bleu vartësja e saj këtu, ju prisni të reagojë për imunitetin e Tahirit... Respekt për Erisa Zykon, se na dha mundësinë të kuptojmë zonjën Mogherin, të cilës nuk i interesoi asnjëherë kanabizimi i Shqipërisë!

— Ylli Manjani (@yllimanjani) November 15, 2017