Trump dhe Kim Jong-un fyejnë rëndë njeri-tjetrin, anijet amerikane i afrohen Koresë
Donald Trump dhe Kim Jong-un kanë shkëmbyer fyerje të rënda personale me njëri-tjetrin, duke ndezur kështu edhe më shumë krizën mes dy vendeve.
Presidenti amerikan përdori Twitter-in për të deklaruar se nuk do ta quante kurrë udhëheqësin e Koresë së Veriut Kim Jong-un "të shkurtër dhe të shëndoshë", pak pasi ministria e jashtme koreno-veriore e quajti Trump “plak”.
Koreja e Veriut kundërshtoi udhëtimin e zotit Trump në Azi, duke e quajtur atë një "vizitë luftëtarësh" dhe e përshkroi përsëri presidentin si një “njeri të plakur”.
Trump u përgjigj në mënyrë pasive, duke sugjeruar se ai kurrë nuk do ta quante zotin Kim "të shkurtër dhe të shëndoshë.
“Unë po përpiqem shumë që të jem shoku i tij dhe ndoshta kjo do të ndodhë një ditë!", shkruaji Trump.
Ndërsa presidenti shkruante në mediat sociale, anijet dhe tre avionë amerikanë po merrnin pjesë në një stërvitje ushtarake në Paqësorin Perëndimor, prane Korese se Veriut, në një shfaqje forcë që synonte të paralajmëronte Kim Jong-un
Ships of the #USSRonaldReagan, #USSTheodoreRoosevelt, #USSNimitz strike groups and Japan Maritime Self-Defense Force transit waters in the Western Pacific, Nov. 12, during an ongoing three-carrier strike force exercise. #USNavy @US7thFleet https://t.co/XQOSZRhFtK pic.twitter.com/rRLcM5zxlS
— U.S. Pacific Fleet (@USPacificFleet) November 12, 2017
Komandanti i flotës amerikane tha se stërvitja e trefishtë ishte e para në rajon që nga viti 2007.
Anije të Koresë së Jugut dhe Japoneze gjithashtu po marrin pjesë në stërvitje, të cilat filluan të shtunën dhe do të vazhdojnë deri të martën.
Fyerjet e Koresë së Veriut erdhën pasi Donald Trump doli vullnetar për të zgjidhur krizën e pretendimeve detare në Detin e Kinës Jugore.
"Unë jam një ndërmjetësues shumë i mirë," tha ai.
Kina, Vietnami, Filipinet, Tajvani, Malajzia dhe Brunei pretendojnë “pronësinë” e territorit në Detin e Kinës Jugore.
Trump, i cili ka kohë që e ka quajtur cështjen si burim konflikti, sugjeroi që ekspertiza e tij mund të ndihmonte procesin.
"Nëse unë mund të ndihmoj duke ju ndërmjetësuar, ju lutem më lajmëroni," i tha zoti Trump homologut të tij vietnamez, Tran Dai Quang, në samitin e Bashkëpunimit Ekonomik Azi-Paqësor./Përshtati për “SYRI.net”- Xhuljana Zani/
— U.S. Pacific Fleet (@USPacificFleet) November 12, 2017