Spalleti e pranon: Torino ishte në një nivel me Interin

Interi nuk ka arritur më shumë se sa një barazim 1-1 me Torinon në “San Siro” në ndeshjen e vlefshme për javën e 12-të të Serie A.

Trajneri Luciano Spalletti tha se gabimet e shumta bënë që skuadra e tij të mos e fitonte këtë ndeshje. Por, ai e pranoi se Torino ishte në nivelin e tyre dhe mund të fitonte.

“Ne luajtëm kundër një skuadre e cila ishte në nivelin tonë. Ata luajtën lojën e tyre dhe tentuan të fitojnë”, tha Spalletti.

“Ne bëmë më shumë gabime se zakonisht. Në disa raste gjatë ndeshjes ne nuk ishim të mirë në vendimet që morëm”, tha në fund ai.