Burri gjendet i mbytur në lumin Osum
Një 57-vjeçar është gjetur i vdekur në lumin Osum ditën e sotme, në afërsi të lagjes Mangalem pranë urës së Goricës.
Viktima është identifikuar si N. A., 57 vjeç nga fshati Molisht, në Berat.
Trupin e viktimës e ka sjellë rryma e ujit deri në afërsi pranë Urës së Goricës, ku është parë nga qytetarët kalimtarë.
Menjëherë banorët e zonës që kanë parë trupin e pajetë kanë njoftuar policinë e Beratit, të cilët kanë mbërritur në vendngjarje, ku së bashku me ta kanë ardhur edhe punonjësit e PMNZSH-së dhe eksperti mjeko ligjor, të cilët kanë bërë të mundur nxjerrjen e trupit të pajetë nga lumi.
57-vjeçari dyshohet të jetë vetëmbytur.
Viktima mësohet se ishte denoncuar i zhdukur nga familja dy ditë më parë.
Nga këqyrja paraprake e trupit nuk janë konstatuar shenja dhune apo dëmtime. Trupi i pajetë është dërguar në morgun e spitalit të Beratit për kryerjen e ekspertizës mjeko-ligjore.
Policia ka nisur hetimet dhe po punon për zbardhjen e shkaqeve të mbytjes.