Jane Brister nga njësiti për shpëtimin e kafshëve në Adelaide të Australisë, ka treguar se si shpëtoi një koala që ishte kapur anash rrotës së veturës.

Gjallesa ka ndenjur në atë pjesë dhe nuk është shkëputur, ndërsa kaloi në atë mënyrë 16 kilometra, transmeton Telegrafi.

“Jam marrë me shpëtimin e kafshëve të ndryshme, por nuk kisha parë kurrë një rast të tillë. Ka mundur të lëndohet keq dhe ishte shumë e frikësuar”, ka thënë Brister.

Hyrja e kafshëve në pjesë të ndryshme të veturës, zakonisht përfundon me djegien apo shqyerjen e tyre, ndërsa kësaj radhe shpëtoi e paprekur.