Projekti ‘Babylon’ ishte emri i koduar për një plan të prodhimit të një super-arme, që financohej nga Saddam Hussein më 1988.

Për këtë qëllim, diktatori irakian kishte punësuar një inxhinier kanadez me emrin Gerald Bull. Ai donte të ndërtonte një raketë që dërgonte satelitë në orbitë. Bull kishte filluar të punonte në këtë projekt në një uzinë në Kanada, kurse amerikanët shpejt u bënë të interesuar në këtë projekt.

Shumë shpejt, Bull i bë kryesori në projektin amerikan për këtë raketë, projekt që quhej Harp. Pra, për këtë projekt, së pari kishte investuar diktatori irakian, por amerikanët e morën për vete sapo kuptuan rëndësinë e tij.

Por puna për një raketë të tillë kishte nisur edhe më parë. Më 18 nëntor 1966 në Barbados, duke përdorur një tytë me gjatësi 40 metra, arma lëshoi një projektil me shpejtësi prej 2100 m/s, duke e dërguar në hapësirë për një kohë të shkurtër, në një lartësi prej 180 kilometrash, që ende përbën rekord botëror.

Projekti ishte anuluar për shkak të luftës në Vietnam si dhe për të ruajtur marrëdhëniet e mira mes Kanadasë dhe Amerikës, pasi që shkencëtari kanadez kishte hapur një kompani private dhe kishte përfunduar marrëveshjen e tij me shtetin amerikane.

Projekti për një raketë që do të kishte aftësi të dërgonte projektil në hapësirë do të ishte i rëndësisë së madhe për amerikanët, sidomos në kohën e garës hapësirore me Rusinë.