Një studim i ri thotë se shikimi i detit i bën mirë shpirtit.  Hulumtuesit i krahasuan njerëzit që jetonin në zona të ndryshme të Wellingtonit në Zelandë të Re dhe zbuluan se ata që kishin pamje në det çdo ditë kishin nivele më të ulëta të stresit.

Kjo lidhje kishte mbetur edhe pasi pasuria, mosha, gjinia dhe faktorët e tjerë të banorëve ishin marrë në konsideratë. Megjithatë, shikimi i hapësirave të gjelbra si parqet dhe pyjet me bar si duket nuk  sjellin të njëjtën dobi, sipas studimit të publikuar në numrin e majit të revistës “Health & Place”.

“Kjo mund të jetë për shkak se hapësirat e kaltra ishin të gjitha natyrale, ndërsa hapësira e gjelbër përfshiu zona të krijuara prej njeriut, si fushat sportive dhe terrenet sportive, si dhe zonat natyrore ”, tha bashkautorja e studimit Amber Pearson.

Gjetjet mund të rezultojnë të dobishme për planifikuesit e qyteteve. Për shembull, planifikimi i ndërtimit të një numri të caktuar të ndërtesave të larta ose shtëpive të përballueshme në qytetet bregdetare me pamje nga oqeani mund të përmirësojë shëndetin mendor, thanë studiuesit.