Një 40-vjeçare nga Laçi ka telefonuar sot në emisionin “Aldo Morning Show” në Tv Klan nga ku ka treguar historinë e saj dhe kërkoi njohje. Gjatë bisedës Eranda nuk i mbajti dot lotët teksa rrëfeu se është e zhgënjyer nga të gjithë dhe se nuk ka mbështetje.

“Unë jam Eranda nga Laçi, 40 vjeç. Jam shumë keq, isha e martuar për dy vite dhe më dhunonte burri. Tani ka 8 muaj që jam ndarë. Nuk kam fëmijë. Unë dua një njohje, dua të jetë nga Durrësi, nuk është problem nëse është me fëmijë. Të paktën të kem një mbështetje tek ai person, nuk kam ngrohtësi askund, jam shumë e zhgënjyer nga të gjithë. Unë u martova me dashuri dhe familja ime nuk më mbështet”, tha Eranda.