Të kesh frikë nga të dukurit ‘budalla’ nuk është një arsye e fortë për të qëndruar i heshtur gjatë një takimi me shefin tuaj, sidomos kur ekziston një grup i thjeshtë udhëzimesh që mund t’ju ndihmojnë të kuptoni nëse pyetja juaj është me vlerë.

Sipas Lynn Taylor, autor i “Zbusni tiraninë e zyrës suaj: si të menaxhoni sjelljen dhe të kini sukses në punë” pyetja juaj duhet të tregojë të paktën njërën nga këto:

– Të tregojë interesin tuaj.

– Të tregojë se jeni një zgjidhës problemesh.

– Të tregojë se jeni dikush që mendon jashtë kutisë.

Më poshtë është lista e sugjerimeve më të mira të Taylor. Konsiderojini këto pyetje si mënyrën më të zgjuar për ta shprehur pyetjen që keni tashmë në kokë dhe jo si pyetje të panevojshme, thjeshtë për t’u dukur më të zgjuar.

Si mund t’ju ndihmoj më shumë për këtë? Kjo pyetje tregon dy gjëra, thotë Taylor, sipas scan.tv.

Një, ajo tregon se ju mendoni si sipërmarrës përpiqeni të shkoni përtej punës suaj të zakonshme.

Dy, tregon se keni potencial lidershipi, pasi vendosni veten në këpucët e shefit tuaj: Çfarë mund të kenë nevojë nga ju?

Nëse ju nuk ndiheni mirë duke u veçuar, Taylor sugjeroi gjithashtu: “Çfarë mund të bëjë ekipi im për të ndihmuar kur vjen puna te projekti X?”

“Duket se kompania ABC po bën përparime në zonën XYZ. A mendoni se ky është një nga kërcënimet tona më të mëdha si konkurrentë? ‘

Ju po tregoni se keni bërë hulumtimet tuaja dhe jeni në dijeni të tendencave të industrisë, tha Taylor.

A mendoni se mund të rrisim të ardhurat duke bërë X?

Ju po tregoni se jeni njëkohësisht një inovator dhe një zgjidhësh problemesh. Sigurohuni që e keni hulumtuar plotësisht propozimin tuaj, tha Taylor, pasi shefi (CEO) juaj mund t’ju shtyjë për më shumë detaje.

Pyesni për rrugën përpara. “Çfarë mund të thotë kjo për të ardhmen? A është kjo pjesë e një vendimi më të gjatë strategjik për ne? ‘
A keni menduar për Alex për këtë detyrë?

Në këtë mënyrë, tha Taylor, ju po shfaqni aftësinë tuaj për të kapur talentet në zhvillim dhe për nevojat ekzistuese të kompanisë. Përsëri, ka të bëjë me potencialin e lidershipit.

Vini re se nuk është e nevojshme të jeni menaxher i Alex për ta bërë këtë sugjerim. Nëse ai është shprehur se është i interesuar për një mundësi të caktuar, ndihuni të lirë ta rekomandoni atë për një detyrë të ngjashme.

Nëse nuk e keni pyetur Alex për këtë mundësi të veçantë, gjithmonë mund të thoni: “Nuk e di se si ai mendon ende për këtë, por duket sikur ka aftësi të mëdha në këtë fushë”.

“Unë mund të shoh se kjo ide me të vërtetë do të ndihmojë departamentin tim, por unë jam pak i shqetësuar se si kjo mund të ndikojë në XXX departament. A kemi strategji për të punuar me ta?”

Në këtë mënyre po shfaqni shqetësim për gjithë kompaninë tuaj, në krahasim me ekipin tuaj të vetëm, që do të thotë që po mendoni si një udhëheqës.

“Si duket suksesi për ju?”

Ju mund ta parashtroni këtë pyetje tek CEO juaj kur kompania po fillon një ndryshim të madh ose një projekt të ri.

Një mënyrë tjetër për ta bërë pyetjen: “Si mendoni se ne duhet të përcaktojmë kolektivisht suksesin?”

“Çfarë mendoni se duhet të pyesim nëse nuk e kemi pyetur tashmë?”

Ju nuk do të dëshironi ta bëni këtë pyetje në një takim të gjerë të kompanisë, tha Taylor. Por, në një takim më të vogël, mund të jetë një pyetje shumë e zgjuar, duke nxitur më shumë pikëpamje dhe mendime më kreative.