"Shiko se djali yt nuk të ngjan". Një frazë e shkruar në facebook, ka bërë që një punëtor 30 vjeçar t'i bëjë testin e ADN-së të birit, kundër dëshirës së bashkëshortes. Nga rezultati i analizave ka dalë që vërtet fëmija nuk ka qenë i tij, por i atij që i kish dërguar mesazhin në rrjetin social.

Në atë pikë, gruaja është detyruar ta pranojë raportin që ka patur me personin tjetër. Kështu, punëtori nga Pesaro ka hapur seancë gjyqësore për të mos i pranuar më atësinë fëmijës dhe ka lënë shtëpinë ku jetonte bashkë me gruan dhe fëmijën e vogël që deri para pak kohësh e dinte si të tijin.