Për shumë shekuj me radhë njerëzit janë bazuar në ciklin e hënës, për të marrë vendime të rëndësishme në lidhje me bujqësinë, apo lundrimet në det.

Akoma sot, janë të shumtë ato që besojnë se hëna ka një ndikim të veçantë, kryesisht në bukurinë e femrës.

Gjyshet tona këmbëngulnin, se momenti më i mirë për të prerë flokët është gjatë hënës së plotë që përkon me ekuinoksin dhe solsticin e hënës.

Gjatë këtyre dy fazave Hëna hyn në konen e rrezeve të Tokës.

Ndaj nëse doni që flokët të rriten më shpejt, të jenë më të butë e të shëndrritshëm zgjidhni këtë moment të saj.

Ndërsa gjatë Hënës së re, është momenti më pak i përshtatshëm për të bërë ndryshime në lukun tuaj.