Nja djalë i ri ka zbuluar se e fejuara e tradhton, edhe pasi ai e ka falur njëherë. Historia e trishtë e djalit zemërthyer është rrëfyer për “ShkodraNews”.

“Jam me të vërtetë shumë keq!

Jam një djalë 28 vjeç nga Puka dhe kam mësuar se e fejuara më ka tradhtuar.

Nuk ja vlen as ta tregoj tregoj historinë time sepse më vjen me vjell.

Gjithçka e mësova kur isha në shtrat me të dhe i erdhi mesazh në 1 të natës.

Ishte nata kur ajo nuk e kishte radhën të flinte nga unë, e sigurisht që dashnori e mendonte se ishte në shtëpinë e saj.

Por kjo nuk është hera e parë që ajo ma dredh.

Në fillim të lidhjes tonë, kur nuk ishim fejuar akoma, ajo më tradhtoi me një djalë nga Shkodra, por e fala.

E doja shumë dhe e besova se nuk kishin fjetur bashkë.

Por pas faljes së asaj tradhtie, ajo e bëri përsëri.

Nuk i besoj asaj më dhe nuk e dua më.

Sepse e shoh që nuk do mundem ta fal më.

Të shtëpisë time e morën vesh këtë herë dhe më thanë se në njëfarë kuptimi ajo më përbuz mua si person, duke më mashtruar dhe zhgënjyer.

Por, pavarësisht të gjithave unë kam kujtime me të. Ajo është femra e parë në jetën time dhe doja të bëja fëmijë me të.

Jam shumë i trishtuar … Nuk mund të jetoj kështu, as të qesh, asgjë nuk më bëhet.

Si ma bëri këtë? Dy herë madje…Ajo lutet tani për t’u kthyer ose të më takojë edhe njëherë…nuk di çfarë të bëj. Jam copë-copë nga ajo femër…”, shkruan ai. /ShkodraNews.