FOTO/ Kur partizanët putheshin në buzë te 'rruga e Kavajës' në Tiranë

FOTO/ Kur partizanët putheshin në buzë te 'rruga e Kavajës' në Tiranë

20:45, 24/11/2017
A+ Aa A-

Historiani Kastriot Devishi ka publikuar një foto nga Arkivat e Shtetit ku duken dy partizanë, që puthen në buzë.

Devishi kujton se fotografia është shkrepur në ditën kur u shënua fitorja e partizanëve dhe çlirimi i Tiranës.

Në një postim në rrjetin social “Facebook”, ish-kreu i Arkivës në Ministrinë e Brëndshme ka publikuar sot foton ballore të këtyre dy partizanëve, e cila mori dhenë një vit më parë dhe hapi debate të nxehta.

Kastriot Dervishi shkruan se në momentin e shkrepjes së fotos së dy partizanëve, ka qenë i pranishëm edhe një i moshuar dhe një fëmijë.

POSTIMI I PLOTE

1944/Puthja e burrave

Para një viti kur u bë më shumë e njohur fotoja e puthjes buzë më buzë të dy partizanëve më 20 nëntor 1944 në Tiranë, të shumtë ishin kureshtarët që kërkonin të shihnin një foto tjetër të “çiftit”. Pasi çështja u konsultua me “veteranët” e luftës që në atë kohë kanë qenë 0-3 vjeç, nisur nga fakti se në muajin nëntor e kam zakon të nxjerr gjëra interesante në lidhje me temat e viteve të luftës, po publikoj edhe foton ballore të çiftit. Siç edhe shihet, takimi sa përmallues aq edhe erotik i çiftit është bërë në prani në një partizani të shkuar në moshë, si dhe në sy të një partizani të vockël kapelemadh. Ndërsa i moçmi është shastisur e sheh me habi, i vogli ka nisur të qeshë. Të dy burrat kanë vënë në punë duart e lira (të majtat), të cilat i kanë përdorur si morseta në krye, në mënyrë që puthja të ishte më e thellë dhe sigurisht më e ndjerë. Vendi i fotografimit është te rruga e Kavajës. Kur partia po qëmtonte fotot nga koha e “lavdishme” e luftës, qatipët e saj vendosën që këto foto të mos ruheshin. Për këtë arsye këto filmat e këtyre fotove, kanë shenja kryqesh. Megjithatë, filmat i mbijetuan kohës.

Image

© SYRI.net

Lexo edhe:

Komentet

Shto koment

Denonco