Gianni de Biasi ka vendosur që ta vazhdojë karrierën në Spanjë.

Ish-trajneri i Kombëtares Shqiptare, ka marrë drejtimin e skuadrës së Alaves, që renditet në vendin e fundit në tabelë.

De Biasi që bëri historinë me Shqipërinë duke e kualifikuar në Euro 2016, është deklaruar i lumtur për aventurën e re.

 “Kam kënaqësinë më të madhe të ju njoftoj se do të jem trajner i Deportivo Alaves. Është kënaqësi për mua të jem trajner i këtij klubi”, ka shkruar De Biasi në rrjetet sociale.

De Biasi në të kaluarën ka provuar një sezon në Spanjë, duke drejtuar skuadrën e Levantes për një sezon.