Bajerni i Mynihut dhe Manchester United kanë dërguar një agjent për të parë talentin e Lazios, Sergei Milinkoviç-Savic.

Sipas burimeve të “Tuttomercatoweb” dy klubet e njohura kanë dërguar përfaqësuesit e tyre për të vlerësuar paraqitjen e 22-vjeçarit i cili sezonin e kaluar shënoi katër gola në Serie A, shkruan SYRI.net.

Është e qartë se kjo është faza shumë e hershme para se të startojnë negociatat por gjatë janarit gjigantët europianë do të tentojnë të nënshkruajnë me mesfushorin serb.

Kujtojmë që Lazio ditën e diel mori një fitore të vështirë 3-2 kundër Genoas.

/ SYRI.net /