Sllovenia ka mposhtur Serbinë në finale me rezultatin 93-85 (20-22, 36-25, 13-20, 22-18) për fituar për herë të parë Kampionatin Europian në basketboll.
Kampioni i ri europian ishte në epërsi që nga fillimi i përballjes, duke thelluar epërsinë me më shumë se dhjetë pikë. Megjithatë Serbia u tregua efikase në periodën e fundit duke ngushtuar rezultatin e madje duke kaluar për disa momente edhe në epërsi. Por, në fund të takimit, Sllovenia arriti të tregohej më e qetë për të fituar me tetë pikë avantazh.
Goran Dragic ishte më i dalluari në parket me 35 pikë të shënuara.
Vendin e tretë në këtë kampionat e siguroi Spanja, që mposhti Rusinë në duelin për medaljen e bronzit.
© SYRI.net
Bëje LIKE dhe merr lajmin e fundit nga Sporti: