Barcelona është dëshpërimisht në kërkim të përforcimeve pas largimit të Neymar për PSG, por asgjë nuk po shkon sipas dëshirës së saj, me dy objektivat kryesorë, Coutinho e Dembele, të paarritshëm, të paktën për momentin.
Don Balon shkruan se katalanasit kanë marrë në konsideratë edhe kthimin e një ish-lojtari të tyre në Camp Nou, Thiago Alcantara.
26-vjeçari u transferua te Bayern më 2013, pasi bavarezët paguan klazuolën prej 25 milionë eurosh. Ai shihej si pasardhësi natyral i Xavit, por ndoqi Guardiolën në Munih, në kërkim të një vendi në formacion.
Tani mund të jetë shumë i vlefshëm për Barcelonën, por janë të pakta gjasat që ai të rikthehet në Camp Nou, pas Leo Messi ka bllokuar çdo tentativë. Argjentinasi nuk i ka harruar ende fjalët e Thiagos pas largimit, ku ai tha se nuk do ta kishte problem të nënshkruante edhe me Real Madrid në të ardhmen. Për këtë arsye, Messi i ka thënë presidentit Josep Maria Bartomeu ta harrojë Thiagon.
© SYRI.net
Bëje LIKE dhe merr lajmin e fundit nga Sporti: