Milan e nis sezonin e ri me sfidën që po luan tani ndaj Crotones në stadiumin “Ezio Scida”, shkruan SYRI.net.

Kuqezinjtë e nisin vrullshëm takimin, duke fituar një penallti, teksa ka dhe karton të kuq për vendësit. Ceccherini lë Crotonen me dhjetë vetë, ndërsa nga pika e bardhë Kessie gjuan saktë, duke kaluar Milanin në avantazh (5’).

Tashmë për ekipin e Montellës bëhet çdo gjë e lehtë. Në të 18’ Cutrone realizon dhe golin e dytë, duke i dhënë siguri milanistëve.  

Minuta e 24-t i jep fund çështjes së fitores. Suso realizon golin e tretë, duke hipotekuar tri pikët e para për Milanin.