Roma është pranë një transferimi të papritur. Kryeqytetasit pothuajse kanë arritur marrëveshje me Sampdorian për sulmuesin Patrik Schick.

Pavarësisht informacioneve se Interi është shumë pranë lojtarit, Roma ka reaguar në fund duke rëmbyer Schickun.

Sipas “Sky”, drejtori sportiv i Romës, Monchi, ka takuar mbrëmë drejtuesit e Sampit dhe tashmë kanë mbetur vetëm akordi për detajet e fundit.

Kujtojmë që lojtari fillimisht kaloi te Juve, por nuk i kaloi testet mjekësore, kështu që transferimi dështoi.