Monaco ka bërë një megaofertë duke i rritur pagën sulmuesit, Kylian Mbappe i cili është në dilemë për të ardhmen e tij.

Kampionët në fuqi të Francës dëshirojnë të mbajnë “xhevahirin” francez i cili kërkohet me ngulm nga PSG-ja dhe Real Madrid.

Drejtues të Monacos i kanë rritur pagën 900% sulmuesit të talentuar të cilit nga 80 mijë euro i shkon në 700 mijë euro në muaj, shkruan e përditshmja spanjolle “AS”, raporton SYRI.net.

Por a do të mjaftojë kjo pagë për të përballuar oferta akoma më të majme të Realit dhe PSG-së të cilat janë të gatshme të shpenzojnë mbi 130 milionë euro për të nënshkruar me këtë sulmues që premton një të ardhme të ndritur.