Në këtë intervistë trajneri i Real Madrid, Zinedine Zidane, ka folur edhe për finalen e Ligës së Kampionëve, dhe portierin e ekipit kundërshtar në këtë finale, Gianluigi Buffon.

Zidane e ka quajtur një lider të lindur portierin e Juventusit, i cili ka pasur një karrierë të jashtëzakonshme.

“I mendoj ato që ai i ka arritur. Është një lider i lindur. Ka qenë një lojtar i jashtëzakonshëm përgjatë karrierës së tij”, ka deklaruar Zidane, përcjell lajmi.net.

“Ai është një lider në fushë dhe një kapiten i madh”, ka shtuar trajneri francez.

Finalja e Ligës së Kampionëve mes Juventusit dhe Real Madridit luhet më 3 qershor në Kardif.