Ish-trajneri i Interit, Stefano Pioli ka pranuar që sezonin e ardhshëm të marrë drejtimin e Fiorentinës duke zëvendësuar Paulo Sousan.

Sipas burimeve të “Gazzetta dello Sport”, Pioli do të nënshkruajë me Fiorentinën një kontratë 2-vjeçare, shkruan “Football-Italia”, transmeton SYRI.net.

Raportohet se klubi i Violas është i mahnitur me aftësitë e Piolit për të punuar me të rinjtë, dhe pret që ai të ndihmojë në zhvillimin e të rinjve si Federico Chiesa.

Kujtojmë Pioli i ka kaluar gjashtë vjet me Fiorentinën si lojtar, ndërsa tashmë në moshën 51-vjeçare kërkon të marrë një aventurë të re.

/ SYRI.net /