Trajneri i Milanit, Vincenzo Montella ka zyrtarizuar se nuk do të largohet nga “San Siro” pasi ai është pjesë e projektit të drejtuesve të rinj kinezë.
Në një deklaratë për mediat, Montalla ka bërë që qartë që ndihet i lumtur dhe i nderuar që është trajner i Milanit dhe tani është duke planifikuar të ardhmen e klubit, shkruan “Football-Italia”, transmeton SYRI.net.
“Kam lexuar disa thashetheme në ditët e fundit. Në këtë pikë ekziston harmonia e madhe, ne tashmë po planifikojmë të ardhmen. Me Massimiliano Mirabellin kam një marrëdhënie të përditshme, por tani duhet të mendojmë për të tashmen dhe lojën e së dielës. Unë e ndjej nderimin e klubit, të cilin ata e kanë bërë të qartë për mua dhe publikisht. Jam i lumtur që jam trajner i Milanit, thashethemet nuk më shqetësojnë, Milan duhet gjithmonë të luajë për të fituar dhe kjo gjë më ngacmon shumë. Jam shumë i lumtur që jam këtu”, përfundoi ai.
© SYRI.net
Bëje LIKE dhe merr lajmin e fundit nga Sporti: