Presidenti i Real Madridit, Florentino Perez ka befasuar të gjithë pasi ka thënë se numri 9 më i mirë në botë është Karim Benzema.

Në një intervistë për “RMC”, numri një i klubit madrilen nënvizoi se sulmuesi francez është një miks mes Zidanes dhe Ronaldos.

“Ai është një miks mes Zidane dhe Ronaldos. Për mua është numri 9 më i mirë në botë. Ai luan shumë mirë dhe është shumë e vështirë që të gjejmë një sulmues si ai. Nëse varet nga unë, ai do të qëndrojë te Real Madridi gjithmonë, por ajo nuk është diçka që jemi duke e diskutuar tani”, u shpreh Perez.